Oct 12, 2025 · 9 min read

n8n ဆိုတာဘာကြီးလဲ? Workflow Automation ကို ကိုယ်တိုင် Host လုပ်ကြမယ်

n8n Workflow Automation AI Agent OpenAI IFTTT Zapier OpenSource Self-Hosted Burmese
n8n ဆိုတာဘာကြီးလဲ? Workflow Automation ကို ကိုယ်တိုင် Host လုပ်ကြမယ်

Introduction

ဒီတစ်ခါတော့ Developer တွေ၊ DevOps တွေ QA တွေ နဲ့ အသုံးဝင်မယ့် tool တစ်ခုအကြောင်းပါ ။ အလုပ်ထဲမှာ service တွေတစ်ခုနဲ့တစ်ခု ချိတ်ဆက်ပြီး အလုပ်တွေလုပ်ခိုင်းရတာတွေ ရှိတယ်မလား။ ဥပမာ - GitHub မှာ issue အသစ်တက်လာရင် Slack ကို notification ပို့ခိုင်းတာမျိုး၊ ဒါမှမဟုတ် user အသစ် register လုပ်သွားရင် Google Sheet ထဲကို data ထည့်ခိုင်းတာမျိုးပေါ့။ အဲ့လို ဟာတွေအတွက် Zapier တို့ IFTTT တို့လို service တွေရှိပေမဲ့ သူတို့က ပိုက်ဆံပေးရတယ်၊ free plan မှာ limit တွေနဲ့ဆိုတော့ သိပ်အဆင်မပြေဘူးလေ။ ကိုယ်တွေက ပိုက်ဆံမသုံးချင်ဘူး၊ ကိုယ့် server မှာကိုယ်တင်ပြီး သုံးချင်တယ်ဆိုတဲ့သူတွေအတွက် n8n ဆိုတာကြီး ထွက်လာပါတယ်။ ကဲ… ဘာကြီးလဲဆိုတာ ကြည့်လိုက်ရအောင်။

n8n ဘာလဲဆိုတာ မပြောခင်….

No-Code, Low-Code ဆိုတာတွေက ဘာလဲ?

ဒီနှစ်တွေမှာ အရမ်းခေတ်စားနေတဲ့ buzzword တွေဖြစ်တဲ့ “No-Code” နဲ့ “Low-Code” အကြောင်း နည်းနည်းပြောကြည့်ကြရအောင်။ n8n က အဲ့ဒီ platform တွေနဲ့ ဘယ်လိုဆက်စပ်နေလဲ၊ ဘယ် category ထဲမှာကျရောက်လဲဆိုတာကို ကြည့်ကြည့်ပါမယ်။

No-Code ဆိုတာဘာလဲ?

နာမည်အတိုင်းပါပဲ၊ No-Code ဆိုတာက code တစ်ကြောင်းမှမရေးဘဲ application တွေ၊ website တွေ၊ automation တွေကို တည်ဆောက်နိုင်တဲ့ platform တွေပါ။ အရာအားလုံးကို drag-and-drop လုပ်လို့ရတဲ့ visual interface တွေနဲ့ပဲ အလုပ်လုပ်ရတာပါ။ Lego တုံးတွေဆက်သလိုပဲ ကိုယ်လိုချင်တဲ့ feature block လေးတွေကို ဆွဲထည့်ပြီး တည်ဆောက်ရုံပါပဲ။

  • ဘယ်သူတွေအတွက်လဲ? အဓိကကတော့ non-technical user တွေ၊ businessသမားတွေ၊ designer တွေ၊ ကိုယ့် idea ကို အမြန်ဆုံး prototype ထုတ်ချင်တဲ့သူတွေအတွက်ပါ။ “Citizen Developer” လို့တောင် ခေါ်ကြတယ်။
  • ဥပမာ: Bubble, Adalo, Webflow (website builder ပိုင်း)။
  • အားနည်းချက်: Platform က ပေးထားတဲ့ ဘောင်ထဲကနေ လုံးဝကျော်လို့မရပါဘူး။ ကိုယ်လိုချင်တဲ့ custom logic ရှုပ်ရှုပ်ထွေးထွေးတစ်ခုကို သူက support မလုပ်ထားရင်တော့ လုပ်လို့မရတော့ဘူး။ အဲ့မှာတင် ရပ်သွားရော။

Low-Code ကကော?

Low-Code ကတော့ No-Code နဲ့ Traditional Coding ကြားက အလယ်အလတ်နေရာမှာရှိပါတယ်။ သူကလည်း No-Code လိုပဲ အလုပ်တွေကို အမြန်ဆုံးပြီးမြောက်အောင် visual development tool တွေအများကြီး ပေးထားတယ်။ ဒါပေမဲ့ အရေးကြီးဆုံးကွာခြားချက်က “လိုအပ်ရင် code ရေးပြီး customize လုပ်လို့ရတယ်” ဆိုတဲ့အချက်ပဲ။

  • ဘယ်သူတွေအတွက်လဲ? အဓိကကတော့ developer တွေအတွက်ပါ။ repetitive ဖြစ်တဲ့ UI ဆောက်တာ၊ data model ဆောက်တာတွေကို platform က အမြန်လုပ်ပေးပြီး၊ developer တွေက business logic ရှုပ်ရှုပ်ထွေးထွေးရေးရတဲ့နေရာတွေမှာပဲ အာရုံစိုက်ပြီး code ရေးရုံပဲ။ Development process ကို အဆပေါင်းများစွာ မြန်ဆန်စေတယ်။
  • ဥပမာ: OutSystems, Mendix, Retool။
  • အားသာချက်: No-Code ရဲ့ အမြန်နှုန်းကိုလည်းရတယ်၊ Traditional Coding ရဲ့ flexibility ကိုလည်းမဆုံးရှုံးဘူး။

n8n ဟာ Low-Code tool တစ်ခုဖြစ်ပါတယ်

ဘာလို့လဲဆိုတော့:

  1. Visual Workflow Builder (No-Code အပိုင်း): n8n ရဲ့ အဓိက canvas ကြီးက node တွေကို drag-and-drop လုပ်ပြီးဆက်ရုံနဲ့ workflow တွေတည်ဆောက်နိုင်တယ်။ ရိုးရှင်းတဲ့ “Airtable က data အသစ်ဝင်လာရင် Slack ကို message ပို့မယ်” ဆိုတာမျိုး workflow အတွက် code တစ်ကြောင်းမှ ရေးစရာမလိုပါဘူး။ ဒီအပိုင်းက No-Code ရဲ့ အားသာချက်ကို ယူထားတာပါ။ Non-technical user တစ်ယောက်တောင် လွယ်လွယ်ကူကူ သုံးနိုင်တယ်။

  2. Custom Code Integration (Low-Code အပိုင်း): workflow တစ်နေရာမှာ platform ကပေးထားတဲ့ node တွေနဲ့ အဆင်မပြေတော့ဘူး၊ data တွေကို ကိုယ်လိုချင်တဲ့ format အတိုင်း ပြောင်းချင်တယ်၊ ရှုပ်ထွေးတဲ့ condition တွေစစ်ချင်တယ်ဆိုရင်တော့ Function node ကိုသုံးပြီး ကိုယ်ပိုင် JavaScript code တွေရေးထည့်လို့ရပါတယ်။ ဒါ့အပြင် Execute Command node နဲ့ shell script တွေ run တာမျိုးလည်း လုပ်လို့ရသေးတယ်။

ဒါကြောင့် n8n ဟာ “လွယ်တဲ့အလုပ်တွေကို code မလိုဘဲ အမြန်လုပ်၊ ခက်တဲ့အလုပ်တွေကြုံလာရင် code နဲ့ရှင်း” ဆိုတဲ့ Low-Code ရဲ့ philosophy အတိုင်း တည်ဆောက်ထားတာပါ။ ကျွန်တော်တို့လို developer တွေအတွက်တော့ ဒါက အကောင်းဆုံးပါပဲ။ အချိန်ကုန်သက်သာသလို၊ လိုအပ်လာရင်လည်း ကိုယ့် skill ကိုအပြည့်အဝသုံးပြီး customize လုပ်နိုင်လို့ အရမ်း flexible ဖြစ်တယ်။

n8n ဆိုတာဘာလဲ?

n8n (Nodemation လို့အသံထွက်ပါတယ်) ဆိုတာက workflow automation tool တစ်ခုပါပဲ။ သူ့ရဲ့ အဓိက concept က “If This Happens, Then Do That” ပါပဲ။ ဒါပေမဲ့ Zapier တို့ထက် ပိုပြီး powerful ဖြစ်သလို၊ developer-friendly လည်းဖြစ်တယ်။ သူ့ရဲ့ အမိုက်ဆုံး feature က self-host လုပ်လို့ရတာပဲ။ ဆိုလိုတာက သူ့ကို ကိုယ့်ရဲ့ server (ဒါမှမဟုတ် ကိုယ့်စက်) မှာတင်ပြီး လွတ်လွတ်လပ်လပ် သုံးလို့ရတယ်။

သူ့မှာ အလုပ်တွေကို node တွေအနေနဲ့မြင်ရပြီး အဲ့ဒီ node တွေကို drag & drop လုပ်ပြီး workflow တွေ တည်ဆောက်ရတာပါ။ coding အများကြီးရေးစရာမလိုပဲ API တွေတစ်ခုနဲ့တစ်ခု ချိတ်ဆက်ပေးနိုင်တယ်။

Zapier, IFTTT တို့နဲ့ ဘာကွာလဲ?

ဒီနေရာမှာ Zapier တို့ IFTTT တို့ကလည်း ဒီအလုပ်တွေပဲလုပ်တာဆိုတော့ ဘာလို့ n8n ကို သုံးသင့်လဲဆိုတာ မေးစရာရှိလာတယ်။ ဟုတ်ပါတယ်၊ သူတို့က SaaS (Software as a Service) တွေဖြစ်တဲ့အတွက် account ဖွင့်လိုက်ရုံနဲ့ ချက်ချင်းသုံးလို့ရတော့ အရမ်းလွယ်တယ်။ setup လုပ်စရာမလိုဘူးပေါ့။

ဒါပေမဲ့ အဓိကကွာခြားချက်တွေရှိတယ်။

  1. Price & Limits: Zapier တို့က free plan မှာ task အကြိမ်ရေ (runs) နဲ့ multi-step workflow တွေကို ကန့်သတ်ထားတယ်။ နည်းနည်းလေး phức tạp (complex) ဖြစ်တဲ့ workflow ဆိုတာနဲ့ paid plan ကို သွားရတော့တာပဲ။ IFTTT ကတော့ ရိုးရှင်းတဲ့ applet တွေအတွက်ကောင်းပေမဲ့ business logic တွေအတွက် သိပ်အဆင်မပြေဘူး။ n8n ကို ကိုယ်တိုင် host ထားရင်တော့ ကိုယ့် server run နိုင်သလောက် သုံးလို့ရတယ်။ limit မရှိဘူး။
  2. Data Privacy & Control: SaaS service တွေသုံးတဲ့အခါ ကိုယ့်ရဲ့ data တွေ၊ API key တွေက သူတို့ server တွေပေါ်မှာရှိနေတယ်။ n8n ကျတော့ ကိုယ့် server မှာပဲရှိတော့ data privacy အတွက် 100% စိတ်ချရတယ်။
  3. Flexibility: n8n က developer-first mindset နဲ့လုပ်ထားတာ။ IF condition တွေ၊ data transformation တွေ၊ custom JavaScript code ရေးတာတွေလုပ်လို့ရတော့ Zapier ထက် အများကြီးပိုပြီး flexible ဖြစ်တယ်။ ကိုယ်လိုချင်တဲ့ logic ရှုပ်ရှုပ်ထွေးထွေးတွေကို အလွယ်တကူ တည်ဆောက်လို့ရတယ်။

တကယ်တော့ Zapier/IFTTT သုံးတာက တိုက်ခန်းငှားနေသလိုပဲ၊ အသင့်တော်ဆုံးနဲ့ အလွယ်ဆုံး။ n8n သုံးတာကတော့ ကိုယ်ပိုင်အိမ်ဆောက်လိုက်သလိုပဲ၊ အစပိုင်းမှာ အလုပ်နည်းနည်းရှုပ်ပေမဲ့ ကြာရှည်အတွက်ဆိုရင် လုံးဝအကန့်အသတ်မရှိတော့ဘူးပေါ့ဗျာ။ ကျွန်တော်တို့လို developer တွေအတွက်တော့ ကိုယ်တိုင် host လုပ်ပြီး ကြိုက်သလိုကလိလို့ရတဲ့ n8n က ပိုအဆင်ပြေတာပေါ့ :3။

AI Agent တွေနဲ့ကော ဘယ်လိုဆိုင်လဲ?

နောက်ပိုင်း AI Agent ဆိုတဲ့ trend က တော်တော်ခေတ်စားလာတယ်နော်။ AI Agent ဆိုတာက Chatbot လို စကားပြောတာမဟုတ်ဘူး၊ သူက တကယ့်အပြင်က service တွေမှာ အလုပ်တွေ လိုက်လုပ်ပေးနိုင်ရတယ်။ ဥပမာ ကိုယ်က agent ကို “ငါ့ကို ဒီနေ့အတွက် meeting schedule တွေထုတ်ပြီး Slack မှာ ပို့ပေး” လို့ပြောလိုက်တာနဲ့ သူက Google Calendar API ကို သွားခေါ်၊ meeting တွေကို စုစည်းပြီး Slack API ကနေ message ပို့ပေးရမှာ။

အဲ့ဒီလို အလုပ်တွေလုပ်ဖို့ agent မှာ ‘Tool’ တွေလိုတယ်။ အဲ့ဒီ ‘Tool’ တွေကို n8n ကအလွယ်တကူ provide လုပ်ပေးနိုင်တယ်။ AI (GPT, Llama) က ‘Brain’ အနေနဲ့ ဘာလုပ်ရမလဲဆိုတာကို စဉ်းစားပေးပြီး n8n က ‘လက်တွေ ခြေထောက်တွေ’ အနေနဲ့ တကယ့် action တွေကို လုပ်ဆောင်ပေးတယ်။ AI က n8n workflow ကို webhook ကနေ trigger လုပ်လိုက်ရုံပဲ။ ကျန်တဲ့ Database update တာ၊ File တွေ save တာ၊ Email ပို့တာတွေကို n8n က သူ့ရဲ့ node တွေနဲ့ တာဝန်ယူသွားလိမ့်မယ်။

Agent Builder နဲ့ ဘာကွာလဲ?

ဒီဟာကို ရေးနေတဲ့ အချိန်မှာပဲ OpenAI ရဲ့ Assistants API မှာ Agent Builder feature အသစ်ထွက်လာတာတွေ့လိုက်ရတယ်။ အဲ့တော့ n8n နဲ့ ဘာတွေကွာလဲ၊ ဘယ်ဟာက ဘယ်နေရာမှာ ပိုကောင်းလဲဆိုတာ ကြည့်ကြည့်ရအောင်။

  • Agent Builder: ဒါက OpenAI ရဲ့ ecosystem ထဲမှာပဲ အလုပ်လုပ်ဖို့ အဓိက လုပ်ထားတာ။ သူ့ရဲ့ အားသာချက်က Assistants API နဲ့ တိုက်ရိုက်ချိတ်ဆက်ထားတော့ AI ကို Tool တစ်ခုပေးသလိုမျိုး အရမ်းလွယ်သွားတယ်။ code ရေးစရာမလိုဘဲ natural language နဲ့တင် workflow တွေကို ခေါ်ခိုင်းလို့ရတယ်။ ဒါပေမဲ့ သူက OpenAI service တွေနဲ့ပဲ အဓိက ချိတ်ဆက်မှာဖြစ်ပြီး integration တွေက n8n လောက်တော့ စုံမှာမဟုတ်သေးဘူး။
  • n8n: n8n ကတော့ Swiss Army knife ကြီးလိုပဲ။ သူက service agnostic ဖြစ်တယ်။ OpenAI, Google, Slack, Airtable, ကိုယ့်ရဲ့ custom API စသဖြင့် ဘယ် service မဆို ချိတ်လို့ရတယ်။ Logic ပိုင်းမှာလည်း IF condition တွေ၊ loop တွေ၊ data transformation တွေကို visually တည်ဆောက်နိုင်တော့ ပိုပြီး ရှုပ်ထွေးတဲ့ automation တွေအတွက် အရမ်းအသုံးဝင်တယ်။

အတိုချုပ်ပြောရရင် Agent Builder က AI Assistant ကို ‘Tool’ အလွယ်တပ်ပေးချင်တဲ့သူတွေအတွက် အမြန်ဆုံးနည်းလမ်း။ n8n ကတော့ service ပေါင်းစုံကို ချိတ်ဆက်ပြီး custom logic တွေနဲ့ ရှုပ်ရှုပ်ထွေးထွေး automation တွေတည်ဆောက်ချင်တဲ့ DevOps သမားတွေ၊ developer တွေအတွက်ပါ။

အဓိက အစိတ်အပိုင်းများ (Core Components)

n8n မှာ အဓိက သိထားရမှာ သုံးခုပဲရှိတယ်။

  1. Nodes: ဒါတွေက workflow ရဲ့ အုတ်မြစ်တွေပဲ။တစ်ခုခုလုပ်ဆောင်ပေးတဲ့ block လေးတွေပေါ့။
    • Trigger Nodes: Workflow ကို စတင်ပေးတဲ့ node တွေ။ ဥပမာ - Cron (အချိန်နဲ့ run တာ), Webhook (API call နဲ့ run တာ)။
    • Regular Nodes: Data တွေကို ပြင်တာ၊ service တွေကို call တာတွေလုပ်တဲ့ node တွေ။ ဥပမာ - Slack node, Google Sheets node။
  2. Workflows: Node တွေကို ဆက်သွယ်ချိတ်ဆက်ထားတဲ့ canvas ကြီးတစ်ခုလုံးကို workflow လို့ခေါ်တယ်။
  3. Credentials: တခြား service တွေ (ဥပမာ - GitHub API) ကိုချိတ်ဆက်ဖို့လိုတဲ့ API key တွေ၊ access token တွေကို လုံလုံခြုံခြုံသိမ်းထားပေးတဲ့နေရာပါ။

ကျွန်တော် စမ်းသုံးဖြစ်ခဲ့တဲ့ လက်တွေ့ Use Case တစ်ချို့

1. AI နဲ့ Social Media ပေါ် Auto Post တင်ကြမယ်

n8n ရဲ့ လက်တွေ့အသုံးဝင်ပုံတစ်ခုကတော့ social media automation ပဲ။ ကိုယ်က content တွေရေးပြီး Facebook တို့၊ LinkedIn တို့မှာ လိုက်တင်ရတာ ပျင်းဖို့ကောင်းတယ်မလား။ အဲ့ဒါကို n8n နဲ့ AI ပေါင်းပြီး automate လုပ်လို့ရတယ်။ ဥပမာ Google Sheet တစ်ခုထဲမှာ Blog post idea တစ်ခုထည့်လိုက်တာနဲ့ workflow ကစ run မယ်။ အဲ့ဒီ idea ကို OpenAI (ChatGPT, Gemini, ….) node ဆီပို့ပြီး “ဒီခေါင်းစဉ်အတွက် Facebook caption ဆွဲဆောင်မှုရှိရှိလေးတစ်ခုရေးပေး” ဆိုပြီးခိုင်းလိုက်မယ်။ AI က generate လုပ်ပေးလိုက်တဲ့ content ကို Facebook node, LinkedIn node တွေဆီ အလိုအလျောက်ပို့ပြီး post တင်ခိုင်းလိုက်ရုံပဲ။

2. Automation Testing နဲ့ကော ဘယ်လိုသုံးမလဲ?

DevOps သမားတွေအတွက် နောက်ထပ်မိုက်တဲ့ use case တစ်ခုကတော့ automation testing pipeline တွေမှာ n8n ကို သုံးတာပဲ။ CI/CD မှာ code deploy ပြီးသွားတာနဲ့ test တွေ run ရတယ်၊ pass/fail result ကို လိုက်ကြည့်ပြီး Slack မှာ team ကို update လုပ်ရတယ်၊ fail ရင် Jira ticket ဖွင့်ရတယ်… အဲ့ဒါတွေက script တွေအများကြီးရေးရရင် ရှုပ်နိုင်တယ်။ n8n နဲ့ဆို ဒီလိုလုပ်လို့ရတယ်။

  1. Deployment ပြီးတာနဲ့ CI tool (Jenkins, GitHub Actions) ကနေ n8n ရဲ့ Webhook တစ်ခုကို call လိုက်မယ်။
  2. n8n က test framework (Playwright, Cypress) ကို run ခိုင်းတဲ့ command ကို Execute Command node နဲ့ဖြစ်ဖြစ်၊ test runner service ရဲ့ API ကို HTTP Request node နဲ့ဖြစ်ဖြစ် call ပေးမယ်။
  3. Test run ပြီးလို့ result ထွက်လာရင် n8n ကို webhook နဲ့ပြန်ပို့ခိုင်းမယ်။
  4. n8n က result ကို IF node နဲ့စစ်မယ်။ Pass တယ်ဆိုရင် Slack မှာ “Staging deployment successful & tests passed!” ဆိုပြီး ပို့မယ်။ Fail တယ်ဆိုရင် Jira node ကိုသုံးပြီး bug ticket အလိုအလျောက်ဖွင့်ခိုင်းပြီး Slack မှာ “Staging tests failed! Jira ticket created: link blah blah “ ဆိုပြီး ပို့ခိုင်းလိုက်ရုံပဲ။

ဒါဆိုရင် CI/CD pipeline က deployment လုပ်တဲ့အလုပ်ပဲလုပ်တယ်၊ ကျန်တဲ့ testing orchestration နဲ့ notification logic တွေအကုန်လုံးကို n8n ဘက်မှာ visual workflow နဲ့ အလွယ်တကူ manage လုပ်လို့ရသွားတယ်။ script တွေထဲမှာ drowned မဖြစ်တော့ဘူးပေါ့ဗျာ။

အသင့်သုံးလို့ရတဲ့ Workflow တွေ (Templates) တွေလည်း ရှိပါတယ်

အစကနေ workflow တွေမဆောက်ချင်ဘူး၊ သူများလုပ်ထားတာကိုပဲ အလွယ်တကူကူးသုံးချင်တယ်ဆိုတဲ့ ကျွန်တော့်လို အရမ်းပျင်းတဲ့သူတွေအတွက် n8n မှာ workflow template တွေအများကြီးရှိတယ်။ https://n8n.io/workflows/ မှာ သွားကြည့်လို့ရပါတယ်။

အသုံးများတဲ့ use case တွေအတွက် workflow ပေါင်း ရာနဲ့ချီရှိတယ်။ ဥပမာ “Sync Google Sheets to Airtable”, “Get daily weather updates on Slack” စတာတွေပေါ့။ ကိုယ်ကြိုက်တဲ့ template ကို copy ကူး၊ ကိုယ့်ရဲ့ credential (API key) တွေထည့်ပြီး တန်းသုံးရုံပဲ။ ဒါမှမဟုတ် ကိုယ်လိုသလို နည်းနည်းပါးပါး ပြင်သုံးပေါ့။ n8n ကို စလေ့လာဖို့အတွက် အရမ်းကောင်းတဲ့နေရာတစ်ခုပဲ။

ဘယ်လိုစသုံးမလဲ?

စသုံးဖို့ အလွယ်ဆုံးနည်းကတော့ Docker ပဲ။ Docker သာရှိနေရင် အောက်က command တစ်ကြောင်းတည်းနဲ့ n8n instance တစ်ခုကို run လို့ရပြီ။

docker run -it --rm \
    --name n8n \
    -p 5678:5678 \
    -v ~/.n8n:/home/node/.n8n \
    n8nio/n8n

ဒီ command ကို run လိုက်ရင် ကိုယ့်စက်မှာ n8n server တစ်ခုတက်လာပြီး browser ကနေ http://localhost:5678 မှာ သွားသုံးလို့ရပါပြီ။

ကဲ ဒါကတော့ n8n ရဲ့ အကြမ်းဖျင်း overview ပါပဲ။ သူနဲ့ ဘာတွေလုပ်လို့ရလဲဆိုတာကတော့ ကိုယ့်ရဲ့ idea ပေါ်ပဲမူတည်ပါတယ်။ Repetitive ဖြစ်တဲ့ task တွေ၊ manual လုပ်နေရတဲ့ အလုပ်တွေကို automate လုပ်ဖို့အတွက် တော်တော်လေး အသုံးဝင်တဲ့ tool တစ်ခုဖြစ်လို့ စမ်းသုံးကြည့်ကြဖို့ တိုက်တွန်းပါတယ်။

ပြီပါပြီ။ နောက်မှ ဒါကိုသုံးပြီး လက်တွေ့ကျတဲ့ workflow တစ်ခုခုဆောက်ပြတာပေါ့ (ထင်တာပဲ နော်) ။

Ref

  • https://docs.n8n.io/
  • https://github.com/n8n-io/n8n?tab=readme-ov-file